گلگت: گلگت بلتستان میں عوامی ملکیتی زمینوں کو خالصہ سرکار قرار دے کر قبضہ کرنا غیر قانونی ،غیر اخلاقی اور عالمی قوانین کے خلاف ورزی ہے، چئیرمین: قراقرم نیشنل موومنٹ|PASSUTIMESاُردُو

12143214_1695747624045125_4848738497103220128_nگلگت: جمعرات، 10 مارچ، 2016ء – پھسو ٹائمز اُردُو (خبرنگار خصوصی) قراقرم نیشنل موومنٹ کے مرکزی چیئر مین محمد جاوید نے کہا ہے کہ گلگت بلتستان میں عوامی ملکیتی زمینوں کو خالصہ سرکار قرار دے کر قبضہ کرنا غیر قانونی ،غیر اخلاقی اور عالمی قوانین کے خلاف ورزی ہے جس کے خلاف گلگت بلتستان کی قوم اٹھ کھڑی ہوجائے گی کیوں کہ یہ وقت ہے آج بھی ہم کھڑے نہیں ہونگے تو اور کبھی کھڑے نہیں ہوسکیں گے ۔انہوں نے کہا گلگت بلتستان اقوام متحدہ کے قرار دادوں کے مطابق ایک متنازعہ خطہ ہے جس کی ایک انچ زمین پر بھی قبضہ کرنا اقوام متحد ہ کے قوانین کے سخت خلاف ہے ۔انہوں نے ان خیالات کا اظہار میڈیا کے نمائندوں سے گفتگو کرتے ہوئے کیا ۔چیئر مین KNMمحمد جاوید نے کہا خالصہ سرکار قرار دے کر زمینوں کی بند ر بانٹ کرنا حکومت پاکستان کا شیوا بنا ہے جس نے آج سے پہلے بھی ایسے غیر قانونی اقدام کئے ہیں جن میں اقصائے چین جو ہنزہ کے کہیں کلو میٹر علاقہ تھا کو حکومت چین کو دے دیا جس کی اگر قیمت لگایا جائے تو آج اربوں ڈالر بنتی ہے ۔انہوں نے کہا کوہستان اور چترال بھی گلگت بلتستان کا حصہ تھے جن کو بعد میں حکومت پاکستان نے ایک سازش کے تحت گلگت بلتستان سے الگ کرکے KPKکو دیا اور اس طرح آہستہ آہستہ گلگت بلتستان کے تمام علاقوں کو غیر قانونی طور پر حکومت پاکستان اپنے قبضہ میں لینا چاہتی ہے جس کو گلگت بلتستان کے عوام کبھی ہونے نہیں دینگے کیوں کہ آج گلگت بلتستان کے ہر شخص میں یہ شعور آیا ہے کہ پاکستان گلگت بلتستان پر غیر قانونی طور پر قابض ہے ۔انہوں نے کہا اگر اقتصادی راہداری کے لئے زمینوں کی ضرورت ہے تو گلگت بلتستان کو تیسرا فریق سمجھتے ہوئے دوبارہ عمرانی معاہدہ کرے تو ہم زمینیں دینے کے لئے تیا ر ہیں ۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s