گلگت:وزیر اعظم پاکستان و قائد عوام محمد نواز شریف نے استور دیوسائی اور راکاپوشی میں چئیرلفٹ کی تنصیب کے لیے فزیبلٹی رپورٹ تیا ر کرنے کی ہدایت کی ہے، حفیظ

Raka Poshi

سفید چادر میں لپٹا راکاپوشی کا دلفریب منظر- تصویر محمد احسان سے

گلگت : پیر، 28 مارچ، 2016ء – پھسو ٹائمز اُردُو (ایس یو ثاقب) وزیر اعلیٰ گلگت بلتستان سیکریٹریٹ سے جاری پریس ریلز کے مطابق وزیر اعظم پاکستان و قائد عوام محمد نواز شریف نے استور دیوسائی اور راکاپوشی میں چےئر لفٹ کی تنصیب کے لیے فزیبلٹی رپورٹ تیا ر کرنے کی ہدایت کی ہے ان مقامات میں چےئر لفٹ کی تنصیب سے سیاحوں کو راغب کرنے میں بھرپور مدد ملے گی۔ ان خیا لات کا اظہار وزیراعلیٰ گلگت بلتستان حافظ حفیظ الرحمن نے مختلف وفود سے گفتگو کرتے ہوئے کیا۔
وزیراعلیٰ نے کہا کہ پاک چائینہ اکنامک کوریڈور گلگت بلتستان کی ترقی کے لیے سنگ میل ثابت ہوگا۔ اس منصوبے کی اہمیت کو مد نظر رکھتے ہوئے ہم سب نے مل کر اس منصوبے کی کامیابی کو یقینی بنانا ہے۔ پاک چین اکنامک کوریڈور کے پارلیمانی کمیٹی میں گلگت بلتستان کو نمائندگی دی گئی ہے تمام اجلاسوں میں صوبے کی جانب سے شرکت کیا گیا ہے۔ چند عناصر افوائیں پھیلانے میں مصروف ہیں گلگت بلتستان کے حقوق کا ہر فورم پر تحفظ کیا جائیگا۔
وزیراعلیٰ نے کہا ہے کہ کسی بھی علاقے کی تعمیر وترقی امن سے مشروط ہے مسلم لیگ (ن) کی وفاقی و صوبائی حکومت کی مثبت پالیسیوں کی وجہ سے گلگت بلتستان میں امن قائم ہوا ہے اور ایشیاء کا پر امن علاقہ قرار پایا ہے۔ حکومت کی امن وامان خراب کرنے والوں کے خلاف زیرو ٹالیرنس کی پالیسی ہے جس پر سختی سے عمل درآمد کرایا جارہا ہے۔ پولیس فورس کو ایک منظم اور مثالی فورس بنانے کیلئے بھر پور وسائل فراہم کیے جارہے ہیں۔ ماضی میں پولیس فورس جیسے اہم محکمے کو نظر انداز کیا گیا جسکی وجہ سے اس ادارے کی کارکردگی متاثررہی پولیس کی حالیہ کارکردگی کی وجہ سے عوام کا اس ادارے پر اعتماد بحال ہوا ہے۔ پولیس فورس کو در کار ضروری وسائل کی خریداری کیلئے خطیر رقم کی منظوری دی گئی ہے۔ پولیس فورس کے خصوصی دستوں کی دہشت گردی سے نمٹنے کیلئے افواج پاکستان سے خصوصی تربیت کرائی گئی ہے۔
وزیراعلیٰ گلگت بلتستان نے کہا ہے کہ میرٹ کی بالادستی کیلئے تمام سرکاری اداروں میں سیاسی مداخلت کا خاتمہ کیا گیا۔ سابقہ حکومت کی غلط پالیسیوں کی وجہ سے ادارے تباہی کے دہانے پر پہنچ چکے تھے۔ مختصر وقت میں اصلاحات متعارف کرائے گئے آفیسران کی کارکردگی اور صلاحیتوں میں اضافے کیلئے پنجاب حکومت سے ٹیکنیکل سپورٹ لیا گیا اور ٹریننگ پروگرامز کا بندوبست کیا گیا جسکے مثبت نتائج سامنے آرہے ہیں اور اداروں کی کارکردگی میں بتدریج بہتری آرہی ہے۔ پہلی مرتبہNTS کے تحت اساتذہ کی بھرتیاں عمل میں لائی جارہی ہیں۔ 700پوسٹوں پر FPSC کے تحت آفیسران کی بھرتیاں کی جائینگی جس سے مختلف اداروں میں آفیسران کی کمی دور ہوگی۔


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s